RW Kheyre oo la kulmay guddiga dib-u-eegista dastuurka

MUQDISHO (HALBEEG)- Ra’iisul wasaaraha xukuumadda federaalka Soomaaliya, Xasan Cali Khayre ayaa hoygiisa magaalada Muqdisho kulan kula qaatay guddiga madaxa bannaan ee dib-u-eegista dastuurka, guddiga labada aqal ee dib-u-eegista iyo la socodka arrimaha dastuurka iyo wasiirka arrimaha dastuurka kadib markii uu qado sharaf u sameeyay.

Guddiga madaxa bannaan ee dib-u-eegista dastuurka iyo guddiga labada aqal ee dib-u-eegista iyo la socodka arrimaha dastuurka, ayaa ra’iisul wasaaare Xasan Cali Khayre uga warbixiyay halka ay marayso hawosha dib-u-eegista dastuurka.

Cabdiraxmaan Xoosh Jibriil, wasiirka arrimaha dastuurka, ayaa sheegay in shanta cutub ee ugu horraysa dastuurka lagu sameeyay dib-u-eegis afarta cutub ee ku xigtana dib-u-eegistooda lasoo gebagebaynayo bishaan gudaheeda taas oo ka dhigan in 75% dastuurka dib-u-eegis lagu sameeyay, uuna rajaynayo in horraanta sannadka 2019 la gebagebaynayo guud ahaan dib u eegista farsamo ee dastuurka ku-meel gaarka ah ee dalka.

This slideshow requires JavaScript.

Ra’iisul wasaaraha xukuumadda federaalka Soomaaliya ayaa guddiga madaxa bannaan ee dib-u-eegista dastuurka, guddiga labada aqal ee dib-u-eegista iyo la socodka arrimaha dastuurka iyo wasiirka arrimaha dastuurka, u sheegay in hawla badan oo qaranka muhiim u ah ay ku xiranyihiin qabya-tirka dastuurka,

“Dib eegista dastuurka waxaa ku xiran howlo badan oo qaranka muhiim ah sidaa darteed baahi wayn loo qabo in guddiyadu ay laba jibbaaraan dadar-gelinnta gudashada waajibaadka saaran”ayuu yiri ra’iisul wasaaraha Soomaaliya Xassan Cali Kheyre.

Guddiga dib eegista dastuurka ayaa shirar looga hadlay arrimaha dastuurka ku qabtay magaalooyinka dalka iyadoo talloyin badan lagu biiriyay hanaanka dib eegista dastuurka.