MOMBAI(HALBEEG)-Jilaaga caanka ah ee shirkadda filimada Bollywood, ahna xildhibaanka baarlamaanka dalka Hindiya ee ka tirsan xisbiga BJP, Sunny Deol, ayaa laga helay cudurka Covid-19, sida uu sheegay xoghayaha caafimaadka ee gobolka Himachal Pradesh, sida ay ku warrantay warbaahinta Hindustan.
Xoghayaha caafimaadka ee gobolka ayaa warbaahinta PTI u sheegay in jilaaga iyo saaxiibadiisa ay qorsheynayeen inay aadaan magaalada Mumbai balse markii la baaray laga helay cudurka.
Sunny Deol ayaa kamid noqonaya dadka caanka ka ah dunida ee uu haleelay.
Xanuunka COVID-19 ayaa tan iyo markii uu dunida ka billowday haleelay siyaasiyiin, ciyaaryahanno, jilaayaal iyo dad badan oo magac dunida ku leh halka qaar badan oo dadkaasi ka mid ahina ay u geeriyoodeen.
